© 2013 by ghathimarathi. All rights reserved. Powered by Blogger.

Marathi Kavita घेताच तू ती गाडी नवी, परतला तू नाहीस रे


Paratla tu.. Marathi Kavita


घेताच तू ती गाडी नवी, घेतलीच मी किल्ली झणी 
चालवता ठोकली, तरी रागावला तू नाहीस रे !

'पार्टीसाठी ये' सांगताना, 'फॉर्मल' शब्द विसरले 
आलास 'कैजुअल' तरी संतापला तू नाहीस रे !

न पटल्याने माझी मते, पाट फिरवती सगळे 
पाठिंबा प्रसंगी अशाही बदलला तू नाहीस रे !

एकाहून सुंदर एक, अशा कैक तुझ्या मैत्रिणी 
माझा साथ विश्वास, कधी बहकला तू नाहीस रे !

तुज्यासवे मी बावरता, आई बाबा नव्हती चिंता 
प्रेमास त्या अपात्र असा ठरलाच तू नाहीस रे !

पारखल्या प्रेमा तुझ्या मी, स्वीकारले माजिया मनी 
सोबती आयुष्याचा माझ्या म्हणू कसे तू नाहीस रे ?

ही व अशी कैक गुपिते, सांगायची होती तुला रे 
युद्धाहुन तू परतल्यावर पण ......

परतला तू नाहीस रे ......

 

AddThis