Tujhi najar..Kavita in Marathi
असे जहालसे जहर तुझी नजर
मनात निर्मिते कहर तुझी नजर
कितीही ताळतेस शब्द तू तरी
हळूच देते खबर तुझी नजर
दिसते तिच्यात अथांगता
करते मनात घर तुझी नजर
सखे तुझ्या मिठीत अनंतता
कशास पाहतेस प्रहर तुझी नजर
खुशाल जा तुला जिथे हवे तिथे
जन्मभर मला पुरेल तुझी नजर
फिरेल जरी भणंग एकटा
दिसेल रानभर तुझी नजर
अजूनही तुझ्या मनात उन्हे कशी ?
अजूनही शिंपतेस सर तुझी नजर